உலகில் வாழ்வதற்கு எவருக்கும் அறிவு தேவைப்படுவதில்லை..அதாவது நீங்கள் அறிவு என நினைக்கும் எதுவுமே தேவைப்படுவதில்லை. மனிதர்கள் உட்பட ஒவ்வொரு உயிருக்குமே அதற்கு வாழ தேவையான அறிவு அதற்குள்ளயே இயற்கையாக இருக்கின்றது.ஆக இங்கு அறிவு ஏன் தேவைப்படுகின்றது என்று பார்த்தால்.. அறிவு இங்கு ஆள்வதற்கே தேவைப்படுகின்றது.
ஆள்வது என்றால் என்ன?
இங்கு இயற்கையின் ஒரு ஒழுங்கில் அதன் ஆட்சி நடைப்பெற்று கொண்டிருக்கின்றது.இயற்கை கச்சிதமாக எல்லாவற்றையும் இணைத்து ஒரு ஆட்சியை நடாத்தி வருகின்றது. புரிந்து கொள்ளவும் இயற்கையுடான தொடர்புகளை சரியாக பேணவும் இயற்கை எமக்கு அறிவு கொடுக்கின்றது..ஆனால் உலகம் விழிப்புணர்வற்ற அந்த அறிவை வைத்து இயற்கைக்கு மாற்றாக ஒன்றை உருவாக்க முயல்கின்றது..
மனிதர்கள் எவ்வளவு முயன்றாலும் இயற்கை கட்டமைப்புக்களை உடைக்கவோ / அதற்கு மாற்றான ஒன்றை கட்டமைக்கவோ முடியாது.இவற்றை மனித இனம் முயற்சி செய்வது உலகில் தன்னை தானே அழித்து கொள்வதில்தான் முடியுமே தவிர உலகிற்கோ இயற்கைக்கோ எதுவும் ஆக போவதில்லை.
மனித இனம் என்பது உலகில் உள்ள கோடிக்கணக்கான உயிரினங்களில் ஒன்று மட்டுமே..ஆனால் எமது ஈகோ மனநிலை ஏதோ நாம்தான் உலகிற்கு சொந்த காரர்கள் என்பது போலவும் எமக்கு எதுவும் நடந்தாலே உலகமே அழிந்துவிடும் என்றும் தாங்களாக நினைத்து கொள்கிறார்கள்… மில்லியன் வருடங்களாக இந்த உலகம் இருக்கின்றது,ஆனால் மனிதர்களின் வரலாறு இந்த உலகில் சில ஆயிரம் வருடங்கள்தான்
உலகில் வழிநடாத்துபவர்கள் காலம்காலமாக மக்களை தாம் ஆள்வதால்தான் மக்கள் வாழ்கிறார்கள் என்ற ஒரு மாயையில் அவர்களை அடைத்து கொள்கிறார்கள்.மக்களும் தம்மை வழிநடாத்தி ஆள ஆட்கள்,அமைப்புகள் அரசுகள் தேவை என்ற ஒரு மனப்போக்கிலேயே அடைந்து கிடக்கிறார்கள்..இயற்கையிடமிருந்து பிரிக்கப்பட்ட,பிரிந்த மனித இனம்,செயற்கையிடம் தஞ்சம் புகுந்திருக்கின்றது.
ஒரு பெருநில உடைமையாளர் தன்னை சுற்றியுள்ள மக்களை தனக்கு வேலை செய்ய வைத்து கொள்ளுதல்,அந்த மக்களுக்கு வாழ்வதற்கு தேவையானதை கொடுத்து கொண்டு அடிப்படை தேவைகள் பூர்த்தி,மீது மொத்தமாக நில உடைமையாளர் எடுத்து கொள்வார்..இதே போலவே சாதாரண நில உடைமையாளர் தொடக்கம் உலகின் மிகப்பெரிய நிறுவனங்கள் வரை இது இயல்பாக இருக்கின்றது…
