பிரான்சின் இல்-டி-பிரான்ஸ் (Ile-de-France) பிராந்தியத்தில் வாழும் மக்களின் தினசரி வாழ்க்கையில் Navigo பயண அட்டை மிகமுக்கியமான அங்கமாகும். வேலைக்குச் செல்பவர்கள், குறைந்த வருமானம் பெறுபவர்கள் மற்றும் அரச நலனுதவி பெறுபவர்களுக்குப் பிரெஞ்சு அரசாங்கமும், முதலாளிகளும் பல்வேறு கட்டணச் சலுகைகளைச் சட்டபூர்வமாக வழங்குகின்றனர். 

1. முதலாளியின் ரீஇம்பர்ஸ்மென்ட் (Remboursement Employeur)

பிரான்ஸ் தொழிலாளர்கள் சட்டத்தின்படி (Code du Travail), நிறுவனங்கள் தங்கள் ஊழியர்களின் பயணச் செலவில் பங்கெடுக்க வேண்டும்.

• கட்டாய 50% ரீஇம்பர்ஸ்மென்ட்: தனியார் நிறுவனங்களில் பணி புரியும் ஊழியர்களின் Navigo Pass (மாதாந்திர அல்லது வருடாந்திர) கட்டணத்தில் குறைந்தபட்சம் 50% தொகையை முதலாளி கட்டாயமாகத் திருப்பி வழங்க வேண்டும்.
• 75% வரை சலுகை: அரச துறை ஊழியர்களுக்கு (Fonction Publique) 75% வரை பயணக் கட்டணம் திரும்பக் கிடைக்கிறது. மேலும், தனியார் நிறுவனங்களும் விரும்பினால் வரி விலக்குச் சலுகைகளுடன் 75% வரை ஊழியர்களுக்கு வழங்க முடியும்.
• பெறும் முறை: உங்கள் Navigo அட்டைவாங்கியதற்கான ரசீதை (Attestation d’abonnement) நிறுவனத்தின் HR அல்லது கணக்குத் துறையிடம் சமர்ப்பித்தால், மாதாந்திர ஊதியச் சீட்டில் (Bulletin de paie) இப்பணம் சேர்க்கப்பட்டு வழங்கப்படும்.   

2. Navigo Gratuité மற்றும் சலுகை அட்டைகள் (Solidarité Transport)

குறைந்த வருமானம் ஈட்டுபவர்கள் மற்றும் சமூக உதவிகள் பெறுபவர்களுக்காக Agence Solidarité Transport மூலம் சிறப்புச் சலுகைகள் வழங்கப்படுகின்றன.

• Navigo Gratuité (இலவசப் பயணம்):
• தகுதிகள்: CAF மூலம் RSA உதவித் தொகை பெறுபவர்கள் அல்லது France Travail மூலம் ASS மற்றும் நிதி பங்களிப்பற்ற CSS (Complémentaire Santé Solidaire) மருத்துவக் காப்பீடு வைத்திருப்பவர்கள் 100% இலவசமாகப் பயணிக்கலாம்.
• 75% கட்டணக் கழிவு (Solidarite 75%):
• CSS (நிதிப் பங்களிப்பற்றது) அல்லது ASS பெறுபவர்கள் மாதாந்திர Navigo கட்டணத்தில் 75% தள்ளுபடி பெறலாம்.
• 50% கட்டணக் கழிவு (Solidarite 50%):
• AME (Aide Médicale d’État) மருத்துவ உதவி வைத்துள்ள வெளிநாட்டவர்கள் Navigo மாதாந்திர / வாராந்திர கட்டணத்தில் 50% தள்ளுபடி பெறத் தகுதியுடையவர்கள்.

3. சலுகைகளுக்கு விண்ணப்பிப்பது எப்படி?

solidaritetransport.fr இணையத்தளத்தில் உங்கள் Navigo அட்டை எண், CAF / France Travail எண் அல்லது AME அட்டை விபரங்களைச் சமர்ப்பித்து விண்ணப்பிக்கலாம். அனுமதி கிடைத்தவுடன் மெட்ரோ நிலையங்களில் உள்ள இயந்திரங்கள் (Borne Navigo) மூலம் அட்டையைப் புதுப்பித்துக் கொள்ள வேண்டும்.

அதிகாரபூர்வ அரசு இணையத்தள இணைப்புகள்:

• Île-de-France Mobilités (Navigo சலுகைகள்): iledefrance-mobilites.fr
• Agence Solidarité Transport (இலவச / சலுகை விண்ணப்பம்): solidaritetransport.fr
• Service-Public (முதலாளியின் பயணக் கட்டணப் பங்களிப்பு): service-public.fr – Prise en charge des frais de transport