ஐரோப்பிய ஒன்றியத்தின் டப்ளின் ஒழுங்குமுறைச் சட்டத்தின் (Dublin Regulation) படி, ஒரு அகதி ஐரோப்பாவிற்குள் முதன்முதலில் காலடி எடுத்து வைத்த அல்லது விரல் ரேகை (Eurodac Fingerprint) பதிவு செய்த நாட்டில்தான் தனது புகலிடக் கோரிக்கையைச் சமர்ப்பிக்க வேண்டும்.

1. Eurodac விரல் ரேகையும் பிரான்சில் உள்ள சிக்கல்களும் 

நீங்கள் இத்தாலி, கிரீஸ் அல்லது ஜெர்மனி போன்ற பிற ஐரோப்பிய நாடுகளில் விரல் ரேகை பதிவிட்டிருந்தால், பிரான்சின் GUDA (Guichet Unique) மையத்தில் விண்ணப்பிக்கும் போது அது கண்டறியப்படும். பிரான்ஸ் உங்கள் விண்ணப்பத்தை ஏற்றுக் கொள்வற்குப் பதிலாக, உங்களை அந்தப் பழைய நாட்டிற்குத் திருப்பி அனுப்ப (Dublin Transfer) நடவடிக்கை எடுக்கும்.

2. “Dublin 18 Months” காலம் என்றால் என்ன?

டப்ளின் நடைமுறையில் இருந்து தப்பிக்கும் முக்கியக் காரணியாகக் காலக்கெடு கருதப்படுகிறது:

• 6 மாத காலக்கெடு: பொறுப்பேற்கும் நாடு ஒப்புக்கொண்டதிலிருந்து 6 மாதங்களுக்குள் பிரான்ஸ் உங்களை அந்த நாட்டிற்குத் திருப்பி அனுப்ப வேண்டும். தவறினால், பிரான்ஸே உங்கள்  வழக்கை ஏற்க வேண்டும்.
• 18 மாதங்காளாக நீட்டிப்பு: நீங்கள் பிரான்சில் இருந்து தலைமறைவாகி விட்டதாகக் கருதப்பட்டால் (Fuite / Absconding) அல்லது இடமாற்றத்திற்கு ஒத்துழைக்க மறுத்தால்,இந்தக் கெடு 18 மாதங்களாக நீட்டிக்கப்படும். 18 மாதங்கள் முடிந்த பிறகே பிரான்சில் புதிய அகதி விண்ணப்பத்தைச் செய்ய முடியும்.

3. பிரான்சின் புதிய எல்லைக் கட்டுப்பாடுகளும், சட்டபூர்வ வழிகளும் 

பிரான்சுக்குள்ளேயே தங்கி முறையிட சில வழிமுறைகள் உள்ளன:

• Tribunal Administratif: டப்ளின் இடமாற்ற உத்தரவு (Arrêté de transfert) வந்த 15 நாட்களுக்குள் நிர்வாக நீதிமன்றத்தில் மேன்முறையீடு செய்ய வேண்டும்.
• குடும்பப் பிணைப்பு (Article 16 / Vulnerability): பிரான்சில் நெருங்கிய குடும்ப உறுப்பினர்கள் இருப்பது அல்லது கடுமையான உடல்நலக் குறைபாடுகள் இருப்பதை ஆதாரங்களுடன் நிரூபித்தால் பிரான்ஸ் உங்கள் வழக்கை ஏற்க வாய்ப்புள்ளது (Clause humanitaire).

அதிகாரப்பூர்வ அரசு இணையத்தள இணைப்புக்கள்: 

• Service-Public (Dublin Procedure Guide):  service-public.fr – Règlement Dublin
• Eur-Lex (Dublin III Regulation EU Law): eur-lex.europa.eu – Regulation No 604/2013
• OFPRA (அகதிகள் பாதுகாப்பு அலுவலகம்): ofpra.gouv.fr